ក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមពិធីសម្ពោធវិហារឥស្លាម និង សមិទ្ធិផលមួយចំនួន ក្រោមអធិបតីភាពឯកឧត្តមបណ្ឌិត នាយឧត្តមសេនីយ៍ ហ៊ុន ម៉ាណែត
ព្រឹកថ្ងៃទី១៨ ខែមីនា ឆ្នាំ២០២៣
ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ជាប្រធាន និង មានការចូលរួមពីឯកឧត្តម គិន ណែត អនុប្រធានក្រុម , ឯកឧត្តម ទេព យុទ្ធី លេខាធិការក្រុម , ឯកឧត្តម ស្រី បេន និង ឯកឧត្តម លី សារី សមាជិកក្រុម បានអញ្ជើញចូលរួមពិធីសម្ពោធវិហារឥស្លាម និង សមិទ្ធិផលមួយចំនួន ក្រោមអធិបតីភាពឯកឧត្តមបណ្ឌិត នាយឧត្តមសេនីយ៍ ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទ័ពជើងគោក តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ស្ថិតនៅក្នុងភូមិសំរោង ឃុំរមេញ ស្រុកកោះអណ្ដែត ខេត្តតាកែវ ។
